|
Tema på neste års konferanse er: «Behandling, psykososialt arbeid og fagpolitiske perspektiv.»
Gwynyth Øverland, leiar av fagkomiteen for konferansen 2013.
Behandlingsperspektivet i møte med traumatiserte flyktningar har på mange måtar falt ut av det fagpolitiske arbeidet i Norge. Men RVTS-sentra ser det som ei viktig oppgåve å innlemme dette i sitt oppdrag knytt til tvungen migrasjon. Vi ser det som naudsynt fagpolitisk arbeid å synleggjere at mange fagfolk i Norden tar menneskerettane på alvor, seier Gwynyth Øverland, leiar av fagkomiteen for konferansen 2013. Invitasjon til å føreslå temagrupper og workshops
Tradisjonelt råkar konferansen mange aspekt ved psykososialt arbeid og terapi med traumatiserte flyktningar og asylsøkjarar – både barn og vaksne: behandlingsmetodar, intervensjonar, førebyggjande og resiliensfremjande arbeid, kartlegging, religion og kulturforståing, flyktningpolitikk, rettspraksis og menneskerettar, samt hjelparen sine reaksjonar. Den faglege komitéen for konferansen ynskjer velkommen i første omgang:
1. Forslag til temagrupper
2. Forslag til workshops leia av ein eller fleire personar
Abstrakt/samandrag (på engelsk eller eit skandinavisk språk) på inntil 200 ord merkast temagruppe eller workshop og sendast til den faglege komiteen ved:
gwyn.overland@sshf.no
FRIST for innsending: 1.august 2012.
Basert på innkomne forslag og fagleg vurdering vert det sendt ut ein ‘call for papers' i løpet av september.
|