RVTS Vest dekkjer fylka Rogaland, Hordaland og Sogn og Fjordane, og arbeider på tvers av etatar og sektorar. Senteret har rundt 20 tilsette fordelt i tre team som jobbar med flyktninghelse og tvungen migrasjon, vald- og seksuelle overgrep, og sjølvmordsførebygging.   Oppgåva vår er å samordne og styrke kompetansen på desse problemområda gjennom konsultasjon, undervising og nettverksbygging.   Etableringa av senteret syner auka merksemd på dei breie skadeverknadane av vald og traumatisk stress. Langt fleire enn tidlegare kjent, har opplevd eller lever med vald og overgrep, og dette er kjelde til mange av dei største vanskane hjelpetenestene møter.   Ein ser også sterke samanhengar mellom belastningane i dei gruppene senteret arbeider for å hjelpe. To av tre flyktningar har opplevd alvorlege traumer gjennom livstrugande krigshendingar, drap av familiemedlemar, fengsling og tortur. Forsking viser også ein mangedobla risiko for sjølvmord dersom ein har har vore utsett for vald og overgrep.   Her kan du lese artikkel frå opninga av senteret.